Vissi það!

Í ljósi síðustu viðburða langar mig bara að minna á athugasemd sem ég gerði við frétt mbl.is, frá í desember á síðasta ári og fáir virtust taka eftir.

Maður er nú ekki besservisser fyrir ekki neitt!.

 


Sterkur í prósentureikningnum Gilz

Spurning um að bæta nokkrum við bandið og þá næðu þeir fituprósentunni upp í 100% Minnir mig á einhverja snillinga sem komust að þeirri niðurstöðu, að með því að drekka 40% vodka og svo kannski 50% romm, væri alkóhólprósentan orðin 90%.... gaman að þessu.


mbl.is Vilja vera nakin í myndbandinu
Tilkynna um óviðeigandi tengingu við frétt

Marktæk..?

eða ekki marktæk......ég mun allavega setja spurningarmerki við stjórnmálaskýringar Stefaníu Óskarsdóttur hér eftir.
Hvað sem segja má um málið er alveg ljóst að eitthvað fær fólk til að flykkjast á pallana og mótmæla, það hlýtur að benda til almennrar óánægju með hvernig málum er háttað.
Stefanía!! Hvað þurfa margir að mæta og hvað eiga þeir að vera gamlir og hvernig eiga þeir að mótmæla til að þetta teljist marktæk mótmæli?
mbl.is „Mótmælin ekki alveg marktæk"
Tilkynna um óviðeigandi tengingu við frétt

"Segist hafa tryggt" OK gott mál en...

Ég hef hnotið um fréttir sem þessar undarfarið, ég er nú bara venjulegur húsfaðir í vesturbænum en það setur að mér smá óhug að lesa svona frásagnir.
Hvað gerist ef það tekst ekki að "tryggja" endurfjármögnunina, rúllar þá batterýið yfir? maður spyr sig.
Hverskonar bisniss er bankarekstur? á hann ekki að vera eitthvað aðeins meira solid eða eru menn sveittir dag frá degi einsog yfirkeyrður neyslumeðaljón í stöðugri endurfjármögnun? Getur einhver útskýrt þetta fyrir mér.
mbl.is Glitnir hefur tryggt fjármögnun út árið
Tilkynna um óviðeigandi tengingu við frétt

Þetta kemur kunnuglega fyrir sjónir

Þegar ég var á ferð í Moskvu árið 1989 fyrir fall Sovétríkjana, þá ók maður gjarnan fram á opna ræsis-brunna á miðjum breiðgötunum. Þar sem við félagarnir vorum á mótorhjólum var þetta sko ekkert gamanmál
Það sem gerði þetta en hættulegra var að það virtist ríkja algert frumskógarlögmál á götunum sem hafði það í för með sér að hver og einn ók eins hratt og hann komst til að verða ekki fyrir. Þannig að meðalhraðinn var einhverstaðar vel hægra meginn við hundraðið. Volgurnar og Lödurnar og Moskvitsarnir voru náttúrulega ekkert alveg af nýjustu árgerð með ABS ,skriðvörn og stöðugleikabúnaði og menn settu greinilega ekkert fyrir sig þótt nuddaðist af einn og einn krómlisti eða stuðarahorn. Þetta var nánast eins og að vera í klessubíla kappakstri að keyra þarna sem er frekar ójafn leikur þegar ekið er á mótorhjóli og ...úps... opinn brunnur!!...til að gera þetta meira spennandi :-)
mbl.is Jörðin opnast í Moskvu
Tilkynna um óviðeigandi tengingu við frétt

IKEA

Ég setti þessa færslu sem innlegg hjá honum Nesarokk vegna umræðu um IKEA fyrr í dag og læt hana koma hér til gamans

Ég man eftir afar hressilegri IKEA ferð fyrir nokkrum árum, á gamla staðinn NB, ég slapp inn rétt fyrir lokun, hafði ca korter til að kaupa eitthvað smá dót sem mig bráðvantaði til að klára einhverja dekorasjón heima hjá mér.
Þar sem ég ætlaði ekki að kaupa neitt mikið tók ég ekki neina körfu en eins og oft vill verða bættist hratt í fangið á mér af viskustykkjum og sleifum og blómavösum sem þarna er í miklu úrvali á spottprís og maður neyðist til að grípa með sér.
Nema hvað að gardínustöngin eða hvað það var sem mig vantaði fannst ekki í réttri lengd eða lit eða eitthvað og þegar ég byrjaði að svipast um eftir aðstoð virtist flest afgreiðslufólkið vera í einhverjum allt öðrum hugleiðingum en að aðstoða mig, það var komið alveg heilmikið fararsnið á það, föstudagur og svona og allt að gerast.
Þar sem ég stend þarna með fangið fullt af allskonar búsáhöldum og dóttur mína barnunga líka, grenjandi í ofanálag, að reyna að fanga athygli unglingana í afgreiðslunni sem voru nú þegar þarna var komið við sögu á harðahlaupum á vit ævintýra helgarinnar, kemur svona rödd í hátalarakerfið sem tilkynnir eftirlegukindunum að versluninni hafi verið lokað og fólk sé beðið að hraða sér að afgreiðslukössunum. Ég man að ég hugsaði með smá þrjósku; helv. ég er kominn hingað alla leið og ætla sko að kaupa þessa gardínustöng, þeir loka nú varla meðan ég er hérna inni. en þá byrja ljósin að slokna svona einsog í bíó þegar aðal hetjan er á flótta undan einhverju óþekktu Poltergeist dæmi sem virðist geta slökkt ljósin þvert á alla rafhönnun. Þar sem ég æði þarna í örvinglan fram og aftur kom röddin aftur og sagði með Aliens-geimskips-sándi; búðin springur eftir 60 sekúndur!!! og það blikkuðu svona gul snúnings ljós og ég hugsaði; Ég verð að bjarga barninu!!.. kastaði frá mér sleifunum og ostaskerunum og púðaverunum og blómavösunum og hljóp út eins hratt og ég komst og inní bíl og spændi burt rétt í þann mund sem húsið sprakk í loft upp.... ...kannski ekki alveg en þarna ég skildi alveg hvernig Ellen Ripley leið þarna í geimskipinu um árið.


Skrár tengdar þessari bloggfærslu:

Villandi fyrirsögn

Það mætti ráða af þessari fyrirsögn og grein að íslendingar séu svona rosalega hámenningarlega sinnaðir.
En eigum við ekki að gera ráð fyrir því að erlendir ferðamenn eigi svona allavega 2/3 þessara heimsókna ef ekki meira. Fjöldi ferðamanna er eitthvað um 400.000 og hefur einmitt fjölgað jafnt og þétt og eigum við að skjóta á 2 söfn á mann að jafnaði.
mbl.is Álíka margir sækja söfn heim og kvikmyndahús
Tilkynna um óviðeigandi tengingu við frétt

2007-1972 = 35 er það ekki örugglega aldarfjórðungur?....

.....Jú jú það er áreiðanlega aldarfjórðungur.

mbl.is Rokklag leikið á 1800 rafmagnsgítara
Tilkynna um óviðeigandi tengingu við frétt

Ég hef áhyggjur af þessu...ég verð að segja það

Verð að tjá mig aðeins um áhveðið mál.
Þannig er að í íþróttafréttum á RUV sem gjarnan er hnýtt aftan við venjulega fréttatíma hefur Bjarni Felixsson verið galvaskur að segja okkur ýmsar fréttir af gengi hinna ýmsu liða í hinum ýmsu íþróttagreinum víðsvegar um heiminn.
Ég veit ekki með ykkur en mér þykir eins og þessum fréttum fari fækkandi og er ég td. eiginlega alveg hættur að heyra um úrslit leikja í Búlgarska fótboltanum eða Bandarísku háskóladeildinni í körfubolta. Nú verður maður að láta sér nægja úrslit í Kanadísku íshokkídeildinni eða jafnvel bara eitthvað ómerkilegt fjas um Íslenska frjálsíþróttakeppni.
Menn verða að átta sig á því að Í "primetime" fréttatíma í ríkisútvarpi allra landsmanna uppá Íslandi er mjög mikilvægt að fá fréttir af því hvort Dallas Cowboys hafi unnið Millwaukee Drillers í hafnarbolta!! maður kemst bara ekki í gegnum daginn án þess að vera búinn að fá þessar upplýsingar.

Áfram Bjarni Fel!!!


Ég sem hélt að það væri svo miklar forvarnir í íþróttunum...nei segi bara svona.

Annars var einhver læknir sem annast hetjuna að segja um daginn veikindin hefðu ekkert með eiturlyf að gera. Nú þá andar maður bara rólegur..
mbl.is Maradona aftur fluttur á sjúkrahús
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband